TRANSPIRENAICA By COMPRESSPORT 6. eguna, Conangles-Parzan

“BROUMMMMMM !!!!!” Hori izan da gaurko kapituluko soinu banda, trumoien hotsa. Bart gauen botatakoa entzun ondoren, Conangleseko aterpretxean gaua pasatu genuen 12 ibiltarietako batek ere ez genuen gris eta euritsu argitzen zegoen egun horretan ezer asko egiteko esperantzarik.Euriak ez ninduen gehiegi kezkatzen (zer esango du ba euskaldun batek?! ), bai ordea, ekaitzak goikaldeetan harrapatu, eta kontua itsusi jartzea. Azkenean, zortea probatzea erabaki nuen eta euria egiteari pixkat utzi zionean, goizeko 7:30etan, Benasqueko bailararako bideari ekin nion. Salenqueseko bailararako lehen igoera amaiezinaren ondoren, Estany de Cap de Llauset aldetik eta Collado de Ballibierna igotzen hasi aurretik, ezaguna nuen zerbait ikusi nuen. GR seinaleen artean, lasterketa bateko seinale zintak zeuden zintzilikaturik!!! Noski, ordu batzuk beranguago Aneto mendiguneari buelta emango zion lasterketako parte hartzaileek jarraituko zituzten seinaleak ziren haiek.

21_07_01

Bukaerarik gabeko pista guztian zehar jarraitu nituen, ia Benasquera iristean eskuinetara biratu nuen arte, Estos bailarara bidean. Estoseko aterpetxean egin nuen zerbait jateko eguneko geldialditxoa, eta Biados aterpetxerako bideari ekin nion, atzerapenik gabe, etengabeko trumoi mehatxuarekin. Chistau mendaterako igoera luzearen eta jaitsiera zoragarri baten ondoren, Biadosera iritsi nintzen; azken igoera baizik ez nuen falta, eta egina zegoen.

D’Es Caballoseko igarobidera igotzean, behelaino pixkat sartu zen eta ekaitz txiki bik harrapatu ninduten. Helmuga gertu zegoenez, gogoekin ekin nion igoerari. Eguna pista bidezko beste jaitsiera nazkagarri batekin amaitu nuen, nire orkatilla eta belaunek ezin dute gehiago!!! Behin Parzanera iritsita eta nenkarren gosearekin, zuzenean afaltzera joan nintzen, dutxatu eta aldatu ere egin gabe. Asko sentitzen dut nire ondoan afaltzea tokatu zitzaien haiengatik…

21_07_01

Tagged with:
Posted in Blog